من اصعب المواقف ان تودع من تعشقه
وانت تراه
يفارق الحياه
وفي آخر زياااااارة
هلا بك يابعد عـمــري ياقلبي انـت ياالغالـي
تهلي بي عيون الحـب مـن اخـر لياليهـا
تقول ارجوك لاتهتم انا في احسن احوالـي
تبسم لي وهي تمسح دمـوع العيـن بيديهـا
تقول الدنيا وش تسوى اذا ماشفتـك اقبالـي
ابيع الكون لعيونك لجل لحظه معـي فيهـا
تموت من الالم لكن.!! تبـي ماينشغـل بالـي
الا ياناس ياعالـم وربـي مـن يساويهـا
وهلَّت دمعة عيوني بعد ماضاق بي حالـي
سجدت ادعي بدون شعور الا يارب تشفيهـا
وقالت لو يشيلوني وعنـك شـدُّو ارحالـي
امانه يابعد روحي ابـي روحـك اوصيهـا
ابيك اجمل من الاول ابـي كـل ماتهيَّالـي
بعد موتي اشوفك مهتنـي روحـي تهنيهـا
الاياطيبـة الدنيـا الاياشمـسـي وظـلالـي
نهاية روحي من قبلك عسى ربـي يبديهـا
وشالوها بسرير ابيض وزاد الهم غربالـي
وضاقت فيني الدنيـا وانـا نفسـي امنيهـا
وراحت تنتظر رجعه ودمع العيـن همَّالـي
الا لو العمـر يعطـى قسـم بالله لاعطيهـا
وطاحت وردة من كفي وانا ماشي على فالي
لقيت الشال في يدي يضمـه قلـب مغليهـا
جلست اراقب الساعه واانا ادعي ربي الوالي
عسـى ياربـي يارحمـن ياقـادر تنجيهـا
انا من لي بهالدنيا واعيش اشلـون بـ حالـي
بعدها ماابي نفسي وحتـى النـاس مابيهـا
قسم بالله لو موتي يجينـي قبلهـا اشوا لـي
ولاابي تبعد و ترحل وانـا مااقـدر اوفيهـا
وجو لي اربع اطباء وقلبي مشتعـل صالـي
امانه هاه قولو لي امانه وش حصـل فيهـا ؟؟
وقــــــــــالــــــــــو...!!
وقالو البقاء براسك وصاب الارض زلزالي
تزلزل كل مافيني بكـت نفسـي وامانيهـا
ولاكني بهالدنيا صرخت بصوتـي العالـي
الا يامصعِّب الفرقى وروحي مـن يواسيهـا
عسى الرحمن يرحمها ويغفـر اول وتالـي
وعسى ياربي بالجنه بعـد موتـي الاقيهـا
تحياتي ،،،
موضوع: ((عسى ياربي بالجنه بعد موتي ألقيها )) 
السبت مايو 10, 2008 4:37 pm
بنــــت نــــجد 
